Нийслэлийн Мал эмнэлгийн газар, Нийслэлийн Хүнс, хөдөө аж ахуйн газар, Нийслэлийн Цагдаагийн удирдах газар, Нийслэлийн Онцгой байдлын газар, Нийслэлийн Эрүүл мэндийн газрын хамтарсан баг хяналтыг хэрэгжүүлнэ.

Цаашид малчид бэлтгэсэн махаа шууд худалдах, борлуулах лангуу, өргөтгөсөн худалдааны цэг гарган ажиллах боломж нөхцөлөөр хангах юм гэж Улаанбаатар Хотын Захирагчийн Ажлын Албанаас(УБЗАА) мэдээлэв.

Үндэсний Статистикийн Хорооноос мэдээлснээр энэ сарын 8-ны байдлаар нийслэл хотын зах, худалдааны төвүүдэд хонины нэг килограмм мах 27,000-28,000, үхрийнх 33,000-38,000 төгрөгийг давжээ.

Эрх баригчид махны үнийг бууруулна гэж амласнаас хойш сар шахам болж буй ч эсрэгээрээ нэмэгдсээр байна.