Харилцагчдын өдөр тутмын төлбөр тооцоог илүү тухтай, хялбар болгох зорилготой InstaXpay апп-д өмнө нь зөвхөн QR код уншуулж төлбөр төлөх, гүйлгээ хийх боломжууд байсан бол одоо байр, СӨХ-ийн төлбөрөө нэг дор төлөхөөс гадна Асуудалгүй үйлчилгээний 500,000 төгрөгийн эрх нээх боломжууд нэмэгдлээ.

Шинэчлэгдсэн 2.0 хувилбарын онцлох давуу талууд:

• Бүрэн шинэчлэгдсэн нүүр хуудас: Хамгийн их хийгддэг болон чухал цэсүүдийг оновчтой байршуулж, хэрэгцээт үйлчилгээндээ ганцхан даралтаар хүрэх боломжтой болсон.
• Карт гараар нэмэх шаардлагагүй: Картын мэдээллээ гараас оруулж нэмэх шаардлагагүй боллоо. Шинэчлэгдсэн аппликейшнд анх удаа нэвтрэхэд л таны ХасБанкны бүх карт автоматаар холбогдох болно.
• Байр, СӨХ, цахилгааны төлбөр нэг дор: Орон сууцны хаяг эсвэл хэрэглэгчийн кодоо нэг удаа холбосноор цахилгаан, ус, дулаан болон СӨХ-ийн төлбөрөө сар бүр ганц товчоор хялбархан төлөх боломжтой.
• 500K Асуудалгүй: Та ХасБанканд зээлтэй бол InstaXPay-ээр 500,000 төгрөгийн эрхтэй Асуудалгүй үйлчилгээг идэвхжүүлснээр дансны үлдэгдэл хүрэлцэхгүй гэж дахин сонсохгүй.
• Google Pay болон Apple Pay: Та InstaXPay-ээр дамжуулан ХасБанкны картаа Google Pay эсвэл Apple Pay-д хялбархан холбох боломжтой.
• Гүйлгээ болон QR төлбөр: Утасны дугаар, дансны дугаараар мөнгө шилжүүлэх болон QR код уншуулан төлбөр тооцоо хийх боломжууд өмнөх хэвээр үргэлжилнэ.

2 биш 1 апп

Хэрэв та InstaXpay хэтэвчийг хараахан хэрэглэж эхлээгүй бол дахин нэг апп татаж, бүртгүүлнэ гэж санаа зовох хэрэггүй. InstaXpay нь ХасБанкны дижитал банкны апп-д суурилсан бөгөөд та одоо ашиглаж буй XacBank апп-аа шинэчилж суулгахад л хангалттай.

Харин та ХасБанкны харилцагч биш бол ХасБанкны дурын салбарт ганц удаа очиж дансаа нээлгээд, апп-аа суулган ашиглаарай.

🔗2 биш 1 апп-ыг эндээс: http://bit.ly/XacBank