Геологийн төв лабораторийн уулзварын өргөтгөл наймдугаар сарын 20, Нэгдүгээр хорооллын арын болон Баянхошууны авто замын засвар, шинэчлэлийн ажлын хүрээнд наймдугаар сарын 26-ныг дуустал замын хөдөлгөөнийг хэсэгчлэн хаах бол явган хүний замыг ирэх онд барьж дуусгана.

Харин нийслэлийн төвийн зургаан дүүргийн орон сууцны хороолол доторх авто замын засвар, шинэчлэлийн ажил 8-9 дүгээр сард үргэлжлэх хуваарьтай байна.

Геологийн төв лабораторийн уулзварын авто замын ажлыг "Чайна Тисижу Сивил Инженеринг Групп" ХХК, Нэгдүгээр хорооллын арын болон Баянхошууны авто замын ажлыг Дэлхийн банкны санхүүжилтээр "Макс Рөүд" ХХК болон "Арж Капитал" ХХК-ийн түншлэл, орон сууцны хороолол доторх авто замын ажлыг Нийслэлийн Замын Хөгжлийн Газар хариуцан гүйцэтгэж байгааг мэдээллээ.

Геологийн төв лабораторийн уулзвар орчмын төмөр замын хойд талаар шинээр баригдах авто зам, замын байгууламжийн төсөвт өртөг ₮134 сая бол орон сууцны хороолол доторх авто замуудын засвар шинэчлэлд ₮20.6 тэрбумыг Нийслэлийн Замын Сангийн хөрөнгөөс санхүүжүүлэхээр нийслэлийн төсвийг баталжээ.

Дэлгэрэнгүй хуваарь: (2026 он)