Дэлхийн 90 гаруй улсын 400 гаруй шилдэг физикч сурагчид онолын болон туршилтын даалгавруудыг гүйцэтгэж оюун ухаанаа уралдуулан өрсөлдсөнөөс Монгол Улсаа төлөөлөн оролцсон бүх сурагч медаль хүртэж, өмнөх жилийн амжилтаа ахиулсан байна.

Олимпиадад оролцсон Монгол Улсын багийн бүрэлдэхүүн:

Багийн ахлагч, ажиглагч дасгалжуулагчид:

  • Г.Мөнхбаяр - Багийн ахлагч /МУИС-ШУС-ийн Байгалийн ухааны салбар сургуулийн захирал, доктор, дэд профессор/
  • М.Отгонбаатар - Багийн ахлагч /МУИС-ийн багш/
  • М.Ганбат - Монгол Улсын гавьяат багш, Улсын физикийн олимпиадын хорооны дарга
  • Р.Энхбат - Нийслэлийн ерөнхий боловсролын 1 дүгээр сургуулийн захирал, Улсын физикийн олимпиадын хорооны нарийн бичгийн дарга
  • Н.Оюунчимэг - Нийслэлийн ерөнхий боловсролын 1 дүгээр сургуулийн физикийн багш
  • Э.Гүндалай - Дасгалжуулагч / Олонлог Эгзэ сургуулийн багш/

Медаль хүртсэн сурагчид:

Мөнгөн медаль

  1. Э.Ичинбат -Орхон аймгийн ерөнхий боловсролын 1 дүгээр сургууль
  2. А.Орхонтуул - МУИС-ийн харьяа ахлах сургууль
  3. М.Мөнх-Оргил - Нийслэлийн ерөнхий боловсролын 1 дүгээр сургууль
  4. Б.Эрмүүн -Нийслэлийн ерөнхий боловсролын Шинэ Монгол сургууль

Хүрэл медаль

  1. Г.Амармэнд - Дархан-Уул аймгийн ерөнхий боловсролын Од сургууль

Сүүлийн 3 жилийн амжилтыг дүгнэж үзвэл:

  • 2024 оны ОУФО-оос 1 мөнгө, 2 хүрэл медаль, 1 шагналт байр
  • 2025 оны ОУФО-оос 2 мөнгө, 3 хүрэл медаль, багийн дүнгээр 22-р байр
  • 2026 он буюу энэ жил 4 мөнгө, 1 хүрэл медаль хүртэж, багийн дүнгээр 13-р байрт эрэмбэлэгджээ.