• Цусны донорын тухай хуулийн төслийг 81.1 хувийн саналаар, 
  • Гадаад зээллэгийн ашиглалт, үр ашгийг нэмэгдүүлэх тухай хуулийн төслийг 69.5 хувийн саналаар эцэслэн батлав. 

Ийнхүү УИХ-ын гишүүд 2026 он гарснаас хойш анх удаа бие даасан хуулийг эцэслэн баталж байгаа юм. Цусны донорын тухай хууль батлагдсанаар амьгүй донорын гэр бүлд оршуулгын зардал өгч, эрхтэн шилжүүлэн суулгах эмчилгээ нэмэгдүүлэх аж.

Харин Гадаад зээллэгийн ашиглалт, үр ашгийг нэмэгдүүлэх тухай хууль батлагдсанаар Газрын тос боловсруулах үйлдвэр болон Эрдэнэбүрэнгийн усан цахилгаан станц барих төслүүдийн зардлыг төсвийн алдагдал, зардалд тооцохгүйгээр ажиллах боломжийг Засгийн газарт олгож байгаа билээ. 

Хаврын ээлжит чуулган энэ оны гуравдугаар сарын 16-нд албан ёсоор нээлтээ хийсэн. Үүнээс хойших хоёр сарын хугацаанд албан тушаалтай холбоотой асуудлыг шийдсэний эцэст өнөөдөр анх удаа бие даасан хуулийг эцэслэн баталлаа.

Өнгөрсөн хоёр сарын хугацаанд Ерөнхий сайд Г.Занданшатарыг огцруулж, Н.Учралыг түүний оронд томилсон. УИХ-ын дарга Н.Учралыг үүрэгт ажлаас нь чөлөөлж, С.Бямбацогтыг сонгосон юм.