Завгүй аав, ээжүүддээ зориулан баярын бялуунуудынхаа урьдчилсан онлайн захиалгыг авч эхэлсэн бөгөөд та www.jurur.mn сайтаар зочлон өөрийн хүссэн бялуугаа сонгож, өөрт ойр салбар болон хүргэлтийн нөхцөлөөр хялбархан захиалах боломжтой.

2025 онд шинэ үйлдвэрээ ашиглалтад оруулж, үйлдвэрлэлийн хүчин чадлаа нэмэгдүүлсэн “Жүр Үр” компани нь орчин үеийн дэвшилтэт технологийг Монгол үндэсний онцлогтой хослуулан бүтээгдэхүүн үйлдвэрлэж, хэрэглэгчдэдээ хүргэсээр байна.

Жил бүр Хүүхдийн баярыг угтан хүүхэд багачуудын хүсэл сонирхолд нийцсэн бүтээгдэхүүнээрээ бэлэг барьдаг тус брэнд энэ жил хүүхдүүдийн хамгийн их үзэх дуртай “Ноён Талх” контенттой албан ёсоор хамтран ажиллаж, баярын өдрүүдэд зориулсан сюрпризуудыг бэлтгээд байна.

Түүнчлэн 6-р сарын 1-ний өдөр брэнд бялуу худалдан авсан хэрэглэгч бүрт “Жүр Үр” брэндийн нэрийн жүүсийг бэлэглэх болно.

“Жүр Үр” брэнд нь хүүхэд бүрийн инээмсэглэл, гэр бүл бүрийн аз жаргалтай мөчийг хамтдаа бүтээлцэхийг зорин ажилладаг бөгөөд энэ Хүүхдийн баяраар баяр хөөр, дурсамж дүүрэн мөчүүдийг гэр бүлээрээ хамтдаа бүтээхийг уриалж байна.