- Dale Carnegie Training представила отчет об организационном здоровье в Монголии на форуме C-level Leadership Forum 2026 с участием 150 руководителей из 80 организаций.
- Исследование выявило 11 показателей организационного здоровья, которые ранее не измерялись.
- Показатели здоровья организаций в Азии находятся на низком уровне из-за быстрого внедрения технологий и AI, создающих стресс для сотрудников.
- 88% увольнений происходят не из-за зарплаты, а по другим причинам.
- Наблюдается разрыв между восприятием руководства и сотрудников: руководители оценивают коммуникацию высоко, а сотрудники — низко.
"Дэйл Карнеги Трэйнинг" сүүлийн 10-аад жил дэлхийн хэмжээнд хүн төвт судалгааг хийсний үр дүнд компанийн өмнө нь хэмжиж мэддэггүй байсан 11 үзүүлэлтийг гаргаж ирсэн байна.
Монгол дахь Дэйл Карнеги Трэйнингээс "C-level Leadership Forum 2026" арга хэмжээг 80-аад байгууллагын 150 гаруй удирдлагуудын дунд зохион байгуулж Dale Carnegie-ийн "Байгууллагын эрүүл мэндийн судалгааны тайлан"-г анх удаа Монголд танилцууллаа.
Компаниуд хуучин арга барилаараа тогтвортой ажиллах боломжгүй болсон
Дэйл Карнеги Трэйнингийн үүсгэн байгуулагч Б.Энхболд "Бүх зүйл өөрчлөгдөж буй энэ цаг үед компаниуд хуучны арга барилаараа тогтвортой ажиллах боломжгүй болчхоод байна. Иймд энэ өөрчлөлтөд яаж дасан зохицож, ажилчдаа сэтгэл ханамжтай, тогтвортой ажиллуулан хамтдаа зорилгодоо хүрэх тухай асуудлыг ярих хэрэгтэй.
Судалгааны үр дүнгээс харвал Ази тивийн байгууллагын эрүүл мэндийн үзүүлэлтүүд сул түвшинд байна. Энэ нь технологийн хөгжил, AI байгууллагуудад хурдацтай нэвтэрч, уг хурдыг гүйцэхгүй байгаа нь байгууллагын соёлыг сулруулан ажилчдад стресс дарамтыг өгч байгаагаас үүдэлтэй байна.
Түүнчлэн байгууллагын дээд удирдлагуудын үзүүлэлт өндөр байгаа бол дунд шатны удирдлагууд болон ажилчид, залуу үеийн үзүүлэлт муу байна. Энэ нь байгууллагыг "нэг хүн" гэж төсөөлбөл нэг зүйл хийх гэхээр гар, хөл нь ажиллахгүй байна гэсэн үг.
Иймд өөрийнхөө байгууллагыг уг 11 үзүүлэлтээр үнэлж асуудлаа олж болно. Өнөөдөр 80-аад байгууллагын 150 гаруй удирдлагууд цуглачихсан байна. Эндээс суралцсан зүйлээ эргээд байгууллага дээрээ хэрэгжүүлээсэй" гэв.
Түр аргацаасан шийдлүүд байгууллагыг улам ядраадаг
11 үзүүлэлтийг нарийвчлан харвал:
- Дээд удирдлагууд дээр өсөлттэй, дунд шатны менежерүүдийнх буурсан, ажилчид болон шинэ залуу үеийнх нэлээд буурсан үзүүлэлттэй гарчээ.
- Насаар нь харвал 35-аас доош насныхан буурсан, түүнээс дээш насныхны үзүүлэлт өссөн үзүүлэлттэй гарсан байна.
Ажилчид ажлаас гарах нь ихсээд ирэхээр удирдлагууд цалингаа өсгөөд эхэлдэг. Гэтэл үнэндээ ажлаас гарч байгаа хүмүүсийн 88% нь цалин биш өөр шалтгаанаас болдог аж. Өвчинтэйгөө шууд тэмцээд нэг эм уучхаж байгаатай адилхан түр аргацаасан шийдлүүд байгууллагыг улам ядраадаг гэв.
Хамтран ажиллагсдынхаа юуг зориод байгааг ойлгохгүй байх зэрэг "эмпати" дутсан үед ажилтнуудын сэтгэл ханамж буурдаг
Судалгаанаас онцолбол:
- Харилцаа бол байгууллагын мэдрэлийн систем юм. Судалгаагаар удирдлагууд байгууллагынхаа харилцааг маш өндөр үр дүнтэй байгаа гэж үзжээ. Гэтэл энэ бол захирлын л өнцөг бөгөөд удирдлагын хэлсэн үг цааш хоёр гурав дамжаад ирэхээрээ хэд хэд өөрчлөгдөж, улмаар яг ажил гүйцэтгэж байгаа ажилтнуудын харилцааны үзүүлэлт эрс буурсан дүнтэй гарчээ.
- Бусдын оронд өөрийгөө тавьж үзэх чадвар тухайн байгууллагад байхгүй тохиолдолд ажилтнуудын сэтгэл ханамж буурдаг байна. Хамтран ажиллагсдынхаа хийдэг ажил, юуг зорьж байгааг ойлгох сэтгэл зэрэг нь байгууллагын эрүүл мэндэд нөлөөлдөг байна.
Судалгаанаас хамгийн анхаарал хандуулахуйц асуудал нь "Тодорхойгүй байдал" байсан
Дэйл Карнеги Трэйнинг Монгол-ын Хүн ба соёл хариуцсан захирал М.Мөнхжаргал
"Уг судалгаанаас хамгийн анхаарлаа хандуулах ёстой нэг үзүүлэлт нь аливаа ажил даалгаврыг юугаар хэмжиж, хэзээ дуусгах, ямар нөөцөөр хийх зэрэг тодорхойгүй байдлын асуудал байсан"
гэв.
Уг 11 үзүүлэлтийг судалгааны үр дүнгээр харуулбал:
- Communication- Судалгаанд оролцогчдын 35% нь ажлын орчин дахь үр дүнтэй харилцааг хамгийн чухал ур чадваруудын нэг гэж үзсэн бөгөөд үүнийг багийн ажиллагаатай эн тэнцэхүйц ур чадвар гэж үнэлжээ.
- Empathy- Судалгаанд оролцогчдын ердөө 14% нь сүүлийн гурван жилийн хугацаанд "Эмпати"-д чиглэсэн сургалтад хамрагдсан гэж мэдээлжээ. "Эмпати"-тай байна гэдэг нь харилцааны ур чадвар өндөртэй байна гэсэн үг юм.
- Psychological safety- Менежерүүдийн болон ажилтнуудын ердөө 10% нь алдаа гаргавал өөрийнх нь эсрэг ашиглахгүй гэдэгт бат итгэлтэй байж чаддаг. Энэ нь далд айдас, өөрийгөө хамгаалах хандлагыг бий болгож улмаар итгэлцэл болон багийн нэгдмэл байдлыг сулруулдаг.
- Learning culture- Байгууллагадаа хувь хүний хөгжих боломж бий гэдэгт итгэдэг оролцогчдын хувь (суралцах, хөгжих төвтэй хандлагыг илэрхийлсэн үзүүлэлт) удирдлагуудын 33%, менежерүүдийн 17%, ур чадвартай ажилтнууд 7%
- Innovation culture- Судалгаанд оролцогчдын 65% нь байгууллагынхаа инновацыг дэмжих соёл зогсонги байдалтай эсвэл хөгжлийн шатандаа явж байна гэж үзжээ. Технологийн хурдацтай өөрчлөлтийн энэ үед энэ нь эрсдэл дагуулж болзошгүй нөхцөл байдал юм.
- Technology / AI integration- AI-г нэвтрүүлэхэд ил тод байдал, итгэлцэл нь оролцооны үндэс юм. Гэвч олон байгууллагад энэ талын итгэлцэл сул хэвээр байна. AI ашиглалтын ил тод байдалд итгэдэг ажилтнууд удирдлагууд 34%, менежерүүд 21%, ур чадвартай ажилтнууд 9% албан тушаал буурах тусам итгэлцэл эрс багасаж байна.
- Work-life balance- Байгууллагууд үнэнч идэвхтэй ажилтнуудаа ажлын хэт ачаалал, ажил амьдралын тэнцвэргүй байдлаас болж алдах эрсдэлийг үл тоомсорлож болохгүй. Тогтвортой өндөр гүйцэтгэлийг хадгалахын тулд түүнийг бий болгож буй тууштай ажилтнуудаа хамгаалах хэрэгтэй. Судалгаанд оролцогчдын ердөө 21% нь ажил, амьдралын тэнцвэрээ хадгалж чадна гэдэгтээ итгэлтэй байжээ.
- Satisfaction with leader- 4 хүн тутмын 1 нь өөрийн удирдлагын хийж буй үйлдлийг хэлсэн үг, амлалттайгаа нийцдэг гэж үзсэн бөгөөд энэ нь итгэлцэлд хүчтэй нөлөөлдөг зан төлөв юм. Оролцогчдын 27% нь шууд удирдлага нь тэдний ажлын үүрэг, бүтээмжийн зорилтоос гадна хувь хүнийх нь хувьд анхаарч халамжилдаг гэж үзжээ.
- Job satisfaction- Ажилтан ажилдаа сэтгэл ханамжтай байх эсэх нь эмпати болон ажлын байран дахь үр дүнтэй харилцаатай шууд холбоотой байдаг. Өөрийгөө шууд удирдлагатайгаа бат бөх ажлын харилцаатай гэж үздэг ажилтнуудын 89% нь өөрийн үүрэг, албан тушаалдаа маш сэтгэл хангалуун байдаг байна.
- Retention intent- 2025 онд авсан судалгаагаар ажилдаа үлдэх хүслийг албан тушаалаар ангилахад дараах тоо баримт гарсан байна. Удирдлагууд 50%, менежерүүд 38%, багийн гишүүд 30% Уян хатан байдал, итгэлцэл, тэгш байдал нь ажилтны урт хугацааны үнэнч байдлыг тодорхойлж байна.
- Employee engagement- Ажилтны "энгэйжмент" бол түр зуурын мэдрэмж биш. Энэ нь итгэлцэл, тодорхой зорилго, хөгжих боломж, ажлаараа бахархах сэтгэл зэрэг нөхцөлүүдийн илэрхийлэл юм. Хүн өөрийгөө үнэлэгдэж, дэмжигдэж, өсөж хөгжиж байна гэж мэдрэх үед "энгэйжмент" хамгийн хүчтэй байдаг. Ажилтны "энгэйжмент" гэдэг нь хүмүүсийг санаачилгатай байж, хувь нэмрээ оруулж, байгууллагадаа үлдэхэд нөлөөлдөг бүх нөхцөлийн нийлбэр юм.
"C-level Leadership Forum 2026" арга хэмжээ
Эх сурвалж: ikon.mn
Сэтгэгдэл
Ачаалж байна…
Сэтгэгдэл үлдээх