Г.Бямбасайхан: Даншиг наадамд түрүүлсэн бөхөд ₮30 сая, сур харваачдад ₮8-200 саяын шагнал урамшуулал олгоно

Хуваарь:

• Үндэсний бөхийн барилдааны нээлт зургаадугаар сарын 27-ны 11:40 цагт эхэлнэ.
• Нээлтийн ажиллагааны дараа шууд нэгийн даваа эхэлнэ.
• Зургаадугаар сарын 28-нд үдээс өмнө цам харайх шашин соёлын арга хэмжээ болно. Үүний дараа үндэсний бөхийн барилдааны дөрвийн даваа үргэлжилнэ.

Иймд бөхчүүд хувийн зохион байгуулалтаа сайтар хангаж, замын ачааллыг тооцож хугацаандаа ирэхийг зөвлөв. Автомашины зогсоолоос баяр наадмын талбай хүртэл алхаж очдог учраас цаг хугацаагаа тооцоолохыг санууллаа. 

Бөхийн бай шагнал:

"Хүрээ цам-Даншиг наадам"-ын үндэсний бөхийн барилдаанд:

• Түрүүлсэн бөх 30 сая
• Үзүүрлэсэн бөх 20 сая
• Их шөвөгт үлдсэн бөхчүүд 14 сая
• Дунд шөвөгт үлдсэн бөхчүүд дөрвөн сая төгрөгийн бай шагналтай.

Үргэлжлүүлэн сур харвааны талаар "Үндэсний сур харваачдын холбооны ikhtsets.mn цахим сайтаар зургаадугаар сарын 20-25-ны хооронд бүртгэлийг хийж байна. Одоогоор 120 гаруй харваач бүртгүүлсэн байна. Өмнөх жил 800 гаруй харваачид оролцсон.

Өнгөрсөн жилүүдэд сур харваанд эхний эрэгтэй, эмэгтэй тус бүр таван тамирчдад шагнал олгодог байсан. Харин энэ жил эрэгтэй 10, эмэгтэй 10 тамирчинд шагнал олгоно" гэдгийг Биеийн тамир, спортын улсын хорооны мэргэжилтэн Г.Бямбасайхан нэмж ярилаа. 

Сур харвааны бай шагнал:

Бай шагнал авч байгаа харваачдад 8-200 сая төгрөгийн шагнал урамшуулал олгох аж. 

Харин шагайн харвааны тухайд тэмцээнд 40 багийн 500 харваач оролцоно гэж төлөвлөж байгааг хэлэв. 

Источник: ikon.mn

Редакция KӨZ News Mongolia Новостная редакция

Редакция KӨZ News Mongolia — команда профессиональных журналистов, освещающих ключевые события региона. Мы проверяем факты и используем только надежные источники.